తరతరములలో
నీ ఉపదేశములను
మా పితరులకిచ్చి
నడిపించితివి, నిలిపితివి ఇలలో
చీకటిలో నడచిన జనులకు
నీ వాక్యపు వెలుగు జ్యోతులతో
నీ త్రోవలలో తొట్రిల్లక
నివశింపజేసితివి నేటివరకు
మరియ సుతుని మాకొరకిచ్చుటకు
నీ దయకు ప్రాప్తురాలుగ
జేసితివి
వేదన బాధలలో తోడుగనుండి
వదనము మార్చితివి నీ రూపులో
కలతలందు వెతలయందు
కల్లోలపరచిన కన్నీళ్ళయందు
ఏకాంతంగా సంధించి
అబ్రహాము తండ్రిగా బలపరచితివి
సంసోనుకిచ్చిన బలముతో
సమూయేలుకిచ్చిన నీ పిలుపుతో
సుందరత్రోవలలో నడచుటకు యిమ్ము
మరి యాశీర్వాద అపరంజి పాదముల్
సుందరపట్టణ బంగారు వీధులలో
నడువ కటాక్షం బొసగ యిచ్చిన
గురూతులతో ఆశీర్వదించితివే
ఆనందమయముగా మమ్ము
మూడింతల దీవెన మాకొసగ
మా మససు నీతిఫలములు ఫలియింపగ
నీధ్యాసలో మిక్కుటముగ నడువ
నీ మధుర స్నేహ వచనమిచ్చితివి మాకొరకు
కృపాకనికరము లింకను
నిజానుభవములతో నింపి
అగష్టస్ కాలమునుండి
నింపితివే నిన్నెరిగిన వారికి
నా డెందముప్పొంగగ
యేసుడే విడువక
నింపెనే సదా నందము
రత్నములై మెరిసెనిల
కృపాతిశయమేరీతి పాడెద
పద్మప్రియ తేజునికి
మరణం గెల్చిన విజయం
వందనమ్ములీ నా పదములెల్ల
సుధాకరుడగు యేసుని
నిత్యభూషణంగ ధరియింప
శాంతి స్వరూపులనుగా మార్చి
చైతన్యమే రివాజు చేసితివి ఇలలో
ప్రీతిగల నీమాట, పాటలు
ఆశతో మేము నేర్వగా
శృతిచేసి మమ్ములను
సుందర సింగారము చేసితివి
పరమేరీతి పోనగునో
నీ దాసు నీలాగు దెల్పితివే
దావీదు రాజ కుమార జయకుమార
తరలితివే స్లీవకు మము రక్షించగ
ఏమిచూసో నుర్వితిగుచుండ
నీ వాక్యఖడ్గాన పరంజి చేసి
చీల్చితివే కీళ్ళ మూల్గులను
సుందరంబే స్సియోను మార్గము
పద్మమే వికసింప
ధరిత్రిపాడెనే శ్రావ్యమై
ఆకసం జయగీతమెత్తి
సంగీతమే అలరారే ప్రతినోట
నీ ప్రేమ కొనియాడగ
మధురమేగా మాటిమాటికి
రుచి చూతును, ధ్యానింతుము
బోధింతుము ఎల్లవేళల
హల్లెలూయ, హల్లెలూయ
హల్లెలూయ, హల్లెలూయ
ఆమేన్ ... ఆమేన్
-- :00: --
అబ్రహాము, మరియమ్మ అబ్రహాము, కాంతమ్మ సంసోను, సమూయేలు, సుందర రావు, మరియ, ఆశీర్వాదం, అపరంజమ్మ, సుందరావు, కటాక్షమ్మ, రూతు,ఆశీర్వాదం, ఆనందరావు,
మూడి, సునీతి, లింకను, సలోమి, జాను, స్నేహవచన,అగష్టస్, డేవిడ్, సదానంద్, రత్నం, మేరీ, పద్మ, విజయ, లీనా, సుధాకర్, భూషణం, శాంతిస్వరూప్, చైతన్య, - మేరీ, ప్రీతి, ఆశ, శృతి,
సుందర్ సింగ్, రూపు ,
మేరిసుజాత, సునీలు, ప్రెస్లీ, రాజకుమార్, జయకుమార్, సోను, అపరంజి, సుందర బెస్సీ, పద్మ, శ్రావ్య, సంజయ్, సంగీత, షాను,
