హోర్డింగుల బోర్డింగులు

ఊహకు ప్రతిరూపమిచ్చిన
హోర్డింగులకు

బోర్డింగిచ్చిన నగరం

ఈనెలు ఈనెలుగా సాగినఊహలు

డిజిటల్ సృజనాత్మకత

కొత్తటేస్టుల పేపరుపై పేస్టుచేస్తూ

బెస్టు బెస్టంటూ

ట్విస్టుల అక్షరాలు

ప్రీస్టులైనట్టు చూపులతో

హోరెత్తించే జిమ్మిక్కుల కిక్కుతో

మూడు ఆరైనా ఆరుమూడైనా

మూడ్సు నీవేనంటూ

దునియాని దుప్పటిచేసి పక్కపర్చుకోవాలని

హవాలో హవాయిగా ధరించాలని

నెట్టువర్కుల దారంతో

ప్రపంచాన్ని పాదాక్రాంతం చేయాలని

ట్రకు ట్రకుల పోటీల ఫీట్సుచేస్తూ

రూపాయిని పాపాయి చేసి

బారసాలకు బారి హోర్డింగులకు

బోర్డింగిచ్చిన నా నగరం


నానా గరం

ప్రస్తుతం హోర్డింగులమయం.