చేపలు

బస్సులో వెళుతుంటే
గుప్పుమంటూ ఒక్కసారిగా చేపల కంపు
ఏ చేప ఎలాంటి వాసనొస్తుందో!
ఏ చేప ఎలాంటి రుచినిస్తుందో !
నేనిప్పుడు చెప్పలేను

అమ్మ చేసిన చేపల పులుసు గుర్తొచ్చింది
కొంతకాలం
అమ్మ చేతివంట
తినకుండా బ్రతికేసా!
ఇప్పుడు
అమ్మే లేకుండా బ్రతికేస్తున్నా!
నాసికకు
కంపుకొట్టే చేపలు
జిహ్వకు ఇంపుగా ఎలా మారతాయి!
జతచేసే  మషాలా దినుసులనుకుంటాం
కానీ
కలిపేచేతుల్లో మహిమే లేదంటావా?

***
"కంపుకొట్టే వాటికి
కొన్ని మార్పులుచేస్తే ఇంపవుతాయి " అని సూత్రీకరిద్దామా?
***
మరిప్పుడు
రాజకీయాల మాటేమిటి
పనిచేస్తుందా ఈ సూత్రం?
రాజకీయాల్లేకుండా ఉండలేమేమో!