జ్ఞాపకాల ప్రోది

తిరిగిన దారులెంబడి
నడుద్దామా జ్ఞాపకాలు ప్రోది చేసేందుకు

రాలిన రేకలు ఏరితే
సుగంధం ఇంకా మిగిలేవుంటుంది


ఎప్పుడైనా వచ్చి పోతూవుండు
సన్నగిల్లినవార్కి సత్తువిచ్చేందుకు


పలుకలేని నాలుక
నడిచే కాళ్లకు బంధమేస్తుంది

పంటకాల్వ దూకిచూడు
పయనించే దారుల్లో ఎప్పుడైనా పనికొస్తుంది

నాటింది చెట్టు ఐతే
ఫలమిస్తుంది.. ఎప్పుడో ఒకప్పుడు

ఏమి వెతుకుతున్నావు
నీవొదిలిన పాదముద్రలేవీ లేవక్కడ

మాష్టార్లు వెళ్ళిపొయారు
జ్ఞాపకాలే మిగిలున్నాయి గోడల్లా

బాల్య పరుగెత్తిన మేరా
పెరిగిన ముళ్ళపొదలు  తొలగించాలి

గంగడోలును నిమిరి చూసావా
జీవితమంతా వెంటాడుతూనేవుంది