తెల్లవారు జామున

బల్లముందుకూర్చొని 
ప్రవాహమవ్వాలని  

నదులను తలపోస్తూ 
కాల్వల్లోకి, సెలయేర్లలోకి 
ఎదురీదాలని 

ఏ వాహనాలెదురవ్వని ఆ గోదారిగట్టుపై 
తాటిముంజలబండి 

ప్రయాణించినట్టు 
వేర్వేరు  తీరాలకు ప్రయాణిస్తుంటాను  

లోలోన ప్రవాహాన్ని అదిమిపట్టి 
ఎన్నాళ్ళు అలా అలా పైపైనే ప్రవహిస్తావు.
ప్రవహించడం ఎలాగో తెలిసాక 
నదిగామారడాన్కి

లోయలు కొండలు అడ్డంకి కాదుకదా! 
ప్రవాహాల మెలికలు తెలిసీ 
ప్రవహించడం, ఎదురీదడం సరికొత్తగా మొదలెడతాను..  

* * *

తెల్లవారు జామున బల్లముందుకూర్చొని ప్రవాహమవ్వాలని  

నదులను తలపోస్తూ కాల్వల్లోకి,సెలయేర్లలోకి ఎదురీదాలని 

ఏ వాహనాలెదురవ్వని ఆ గోదారిగట్టుపై తాటిముంజలబండి 

ప్రయాణించినట్టు వేర్వేరు  తీరాలకు ప్రయాణిస్తుంటాను  

లోలోన ప్రవాహాన్ని అదిమిపట్టి ఎన్నాళ్ళు అలా అలా పైపైనే

ప్రవహిస్తావు. ప్రవహించడం ఎలాగో తెలిసాక నదిగామారడాన్కి

లోయలు కొండలు అడ్డంకి కాదుకదా! ప్రవాహాల మెలికలు

తెలిసీ ప్రవహించడం, ఎదురీదడం సరికొత్తగా మొదలెడతాను..